Ongi etorriak gure blog honetara.
Mokofin taldea hirukote batek osatzen dugu. Hiruroi gustatzen zaigu jatea. Jatea zentzurik zabalenean: ondo jatea, bapo jatea, denetik jatea… Horrela bada, astero dirutxo bat jartzen hasi ginen, eta begiz jota dugun jatetxeko menu bat jateko adina metatzen dugunean, hor joaten gara gure galarik ederrenak jantzita.
Azkeneko bazkaritxoa egin genuenean, blog hauei buruz ari ginela, zera otu zitzaigun: zergatik ez dugu sortzen blog bat gure esperientzien berri emateko. Agian, norbaiti baliagarria izan dakioke. Eta guretzat ere aberasgarria izango da.
Esan eta egin. Eta hementxe duzue bloga. Hasi aurretik zera esan nahi dizuegu. Guk, beti “ Degustazio Menua” izenekoa eskatzen dugu, baldin badute behintzat. Iruditzen zaigu sukaldari batek menu hori bere burua zuritzeko erabili behar duela, eta beraz, bere jakinduriaren erakusgarri izan behar duela. Ardoa ere jatetxeak gomendatzen duena hartzen dugu. Ez zaigu iruditzen izena duen sukaldari batek menuari ez dagokion ardo bat emango digunik, ez luke horrela behar behintzat.
Bueno eta gaian sartzeko zuzenean azkenekoz bisitatu dugun jatetxearen berri emango dizuegu.
